"Qarabağ" "Qalatasaray"ın Toral Bayramovu heyətinə qatmaq istədiyi barədə yayılan məlumatlara münasibət bildirib.
Milli.Az qol.az-a istinadən xəbər verir ki, Ağdam təmsilçisinin mətbuat xidmətinin rəhbəri Gündüz Abbaszadə dediyinə görə, kluba futbolçu ilə bağlı rəsmi təklif olunmayıb: "Rəsmi təklif olmayan təqdirdə nəsə danışmaq yersizdir. Hazırda yalnız "Viktoriya" ilə cavab oyununu düşünürük".
Qeyd edək ki, Toral 2019-cu ildən "Qarabağ"da oynayır.
Milli.Az