Rusiyada Norilskdə dörd polis ekipajının şəhərə daxil olan ayını qovması videoya düşüb.
Milli.Az bildirir ki, müvafiq videonu "Norilsk foto/video/olaylar" Telegram kanalı yayıb.
Hadisə şahidlərinin uzaqdan çəkdiyi kadrlarda ayıdan bir qədər aralıda bir neçə polis maşınının yolun kənarında dayandığı görünüb.
"Rusiya Daxili İşlər Nazirliyinin Norilsk şəhəri üzrə əməkdaşları "Oxotnadzor"un nümayəndəsi ilə birlikdə vəhşi heyvanı öz yaşayış yerlərinə qaytarmaq üçün lazımi tədbirlər görüblər. Bununla belə, ayı başqaları üçün təhlükə yaradaraq aqressiya nümayiş etdirib", - regional polisin mətbuat xidmətindən bildirilib. Bundan sonra "Oxotnadzor"un nümayəndəsi heyvanı öldürmək qərarına gəlib.
İrfan Vəliyev
Milli.Az