Karateçimiz İslamiadada qızıl medal qazanıb - FOTO

18 Avqust 2022 20:39

Azərbaycan karateçisi İrina Zaretska V İslam Həmrəyliyi Oyunlarının qızıl medalını qazanıb.

Milli.Az Trend-ə istinadən bildirir ki, Azərbaycan karateçiləri Pənah Abdullayev və Asiman Qurbanlı gümüş medal qazanıblar.

Qeyd edək ki, V İslam Həmrəyliyi Oyunları Türkiyənin Konya şəhərində keçirilir. Yarışların rəsmi bağlanış mərasimi bu gün - avqustun 18-də baş tutacaq.

Ümumilikdə İslam Həmrəyliyi Oyunlarında İslam Əməkdaşlıq Təşkilatına üzv olan 56 ölkənin idmançıları iştirak edir.

Milli.Az