Çempionlar Liqasının pley-off mərhələsində "Qarabağ"ın rəqibi olan "Viktoriya"nın Çexiya çempionatındakı oyunu təxirə salınıb.
Plzen təmsilçisi yerli futbol liqasına müraciət edərək 4-cü turda avqustun 20-də "Zbroyovka" ilə oynanılmalı olan matçın başqa vaxta keçirilməsini istəyib.
"Viktoriya"nın avqustun 16-da "Qarabağ"la Bakıda oyununun olmasını nəzərə alınaraq klubun müraciəti müsbət cavablandırılıb. Çempionat qarşılaşması üçün biletlərin satışı dərhal dayandırılıb.
Qeyd edək ki, "Viktoriya"nın "Qarabağ"la ilk oyunu avqustun 17-də Bakıda, cavab matçı isə avqustun 23-də Plzendə keçiriləcək.
Milli.Az