Vaşinqton Rusiyanı Zaporojye Atom Elektrik Stansiyası və ölkədəki digər nüvə obyektləri üzərində tam nəzarəti Kiyevə qaytarmağa çağırır.
Milli.Az APA-ya istinadən bildirir ki, bunu Ağ Evin mətbuat katibi Karine Jan-Pyer deyib.
"Biz Rusiyanı Ukraynanın nüvə obyektlərində və ya onun yaxınlığında bütün hərbi fəaliyyətləri dayandırmağa və tam nəzarəti Ukraynaya qaytarmağa çağırış edirik", - deyə o brifinq zamanı deyib.
Jan-Pyerin sözlərinə görə, Amerika tərəfi Kiyev hakimiyyətinin çətin şəraitdə nüvə təhlükəsizliyini qorumaq öhdəliyini yüksək qiymətləndirir.
Milli.Az