ABŞ Prezident Aleksandr Lukaşenkonun ailə üzvləri də daxil olmaqla, 100-dən artıq Belarus vətəndaşına qarşı sanksiya tətbiq edib.
Milli.Az APA-ya istinadən bildirir ki, bu barədə ABŞ Dövlət katibi Entoni Blinken "Twitter" səhifəsində yazıb.
O, sanksiyaların Belarusda keçirilən və ABŞ-ın nəticələrini legitim saymadığı seçkilərin ikinci ildönümü ilə bağlı qəbul edildiyini qeyd edib.
Dövlət katibi ABŞ-ın Belarus xalqının demokratik gələcəyinə dəstək verəcəyini vurğulayıb.
Milli.Az