Aktrisa Ülviyyə Xəlilbəyli izləyiciləri ilə toqquşub.
Milli.Az bizim media-ya istinadən xəbər verir ki, o, sosial şəbəkə hesabında izləyicilərin ona ünvanladığı mənfi rəylərə cavab verib.
Sosial şəbəkə əhli aktrisanın üzündə keçirdiyi "bella eyes" plastik əməliyyatını başına qaxınc edib. Yazılan saysız-hesabsız tənqid dolu şərhlərə Ülviyyə belə reaksiya verib:
"Mənfi rəyləriniz mənə motivasiya verir. Əməliyyat etdirməyim sizə necə də təsir edib. Süni bir şey yapışdırmamışam bədənimə. Özümdə olana əl gəzdirmişəm. Biraz rahatlanın. Necə ki, saçımızı kəsib forma veririk, rəngləyib haldan-hala salırıq. Nə qədər çox sevirmişsiniz məni" - deyə, Ü.Xəlilbəyli yazıb.
Qeyd edək ki, bir neçə gün əvvəl Ülviyyə Xəlilbəyli paytaxt restoranların birində özünə təmtəraqlı doğum günü məclisi keçirib.
Milli.Az