Türkiyənin milli müdafiə naziri Hulusi Akar ukraynalı həmkarı Aleksey Reznikov və infrastruktur naziri Aleksandr Kubrakovla telefon danışığı aparıb.
Milli.Az "qafqazinfo"-ya istinadən xəbər verir ki, bu haqda Türkiyənin Milli Müdafiə Nazirliyi məlumat yayıb.
Bildirilib ki, danışıq zamanı taxıl daşınması ilə bağlı son vəziyyətə dair fikir mübadiləsi aparılıb.
Açıqlamada, "Nazirlər taxıl daşınmalarında sürətlənmənin davam etməsindən və Birgə Koordinasiya Mərkəzində əməkdaşlıq və koordinasiya çərçivəsində aparılan işlərdən məmnunluqlarını ifadə ediblər" qeyd olunub.
Milli.Az