Azərbaycan UEFA reytinqində 2022/23 mövsümü üçün xal ehtiyatını yenidən artırıb.
Milli.Az matc.az-a istinadən bildirir ki, bu, "Neftçi"nin Avropa Konfrans Liqasının 3-cü təsnifat mərhələsinin ilk oyununda Avstriyanın "Rapid" (Vyana) klubuna 2:1 hesabıyla qalib gəlməsi sayəsində mümkün olub. Bu nəticə hazırda avrokuboklarda 2 komanda ilə təmsil olunan ölkəmizin aktivinə daha 0.250 xal gətirib.
Lakin Azərbaycan bu mövsüm üzrə xal sayını 1.625-ə, son 5 mövsümdə isə 14.250-yə çatdırmasına baxmayaraq, 29-cu pillədə qalıb.
28-ci sırada 15.375 xala malik Polşa qərarlaşıb. Azərbaycanı isə Sloveniya və Qazaxıstan izləyir. Bu ölkələrin hesabında 12.375 xal var.
Milli.Az