Kubada dolların rəsmi məzənnəsi 5 dəfə artıb

4 Avqust 2022 09:00

Kuba Mərkəzi Bankı ABŞ dollarının rəsmi məzənnəsini bir dollar üçün 120 Kuba pesosu səviyyəsində müəyyən etmək qərarına gəlib ki, bu da indiki məzənnədən (1 dollara 24 peso) beş dəfə yüksəkdir.

Milli.Az APA-ya istinadən xəbər verir ki, cümə axşamından etibarən digər xarici valyutaların məzənnələri də artacaq. Xüsusilə, avronun qiyməti 122 pesodan baha olacaq, hazırda onun məzənnəsi 1 avro üçün təxminən 24 peso təşkil edir.

Ölkə bankları bir ildən artıqdır ki, qadağan olunmuş ABŞ dollarını nağd almağa başlayacaq.

Dollar alarkən banklar 8%-ə qədər komissiya tuta bilər.

Milli.Az