"Oyundan çox razı qaldım. Möhkəm, topla yaxşı davranmağı bilən komandaya qarşı oynayırdılar".
Milli.Az bildirir ki, bunu "Qarabağ"ın baş məşqçisi Qurban Qurbanov Bakıda Macarıstanın "Ferensvaroş" komandası ilə 1:1 hesablı heç-heçə etdikəri UEFA Çempionlar Liqasının III təsnifat mərhələsinin ilk oyunundan sonra "CBC Sport"a açıqlamasında deyib.
Mütəxəssis futbolçuların dayanmadığını və sonadək vuruşduğunu bildirib.
"Futbolçularım durmadılar, dayanmadılar. İkinci hissədə qol imkanlarımız oldu. Hər şey cavab oyununa qaldı. Bu cür istəklə, diqqətlə daha yaxşı nəticə əldə edə bilərik", - Q. Qurbanov qeyd edib.
Milli.Az