Antonovski körpüsü və Xerson vilayətindəki Kaxovskaya su elektrik stansiyasının yaxınlığındakı keçidin dağıdılması və ya atəşə tutulması halında bu bölgədəki rus qrupu mühasirəyə düşəcək.
Milli.Az axar.az-a istinadən bildirir ki, bunu ukraynalı hərbi ekspert Oleq Jdanov deyib.
Onun sözlərinə görə, bu halda işğalçıların təslim olması və ya geri çəkilməsi məsələsi yaxın həftələrdə həll olunacaq:
"Çünki oraya hər gün onlarla, hətta yüzlərlə ton yanacaq idxal etmək lazımdır. Xersonda yerləşən bu nəhəng rus ordusunu qidalandırmaq lazımdır. Orada bu gün təxminən 10-12 min hərbçi Dnepr çayının sağ sahilindədir".
Jdanov vurğulayıb ki, yaxınlaşan təhlükə ilə əlaqədar Rusiya yenidən nüvə şantajına qayıdır.
Milli.Az