Moody's beynəlxalq reytinq agentliyi Belarusun xarici borc öhdəliklərini yerinə yetirmədiyini bəyan edib.
Milli.Az "report"a istinadən bildirir ki, bu barədə agentliyin saytında dərc olunan məlumatda deyilir.
Çərşənbə günü (13 iyul - Red) güzəşt müddəti başa çatan Belarus həmin tarixə qədər "Belarus-27" onillik avrobondlar üzrə 22,9 milyon dollar ödəməli idi.
Belarus Maliyyə Nazirliyi ödənişi milli valyutada həyata keçirdiyi üçün Belarus emitentlərinin xarici borcunun sahibləri ödənişləri ala bilməyiblər:
"Belarus rublunda xarici valyuta borcunun ödənilməsi defoltdur", - agentliyin açıqlamasında deyilir.
Milli.Az