Azərbaycan Ordusunun əsgəri texniki qəza nəticəsində ölüb.
Müdafiə Nazirliyindən bildirilib ki, Bakı qarnizonunda xidmət edən Azərbaycan Ordusunun müddətli həqiqi hərbi xidmət hərbi qulluqçusu, əsgər Ağamalıyev Nurlan Elşən oğlu iyulun 2-si səhər saatlarında baş vermiş texniki qəza nəticəsində həlak olub.
Baş vermiş texniki qəza nəticəsində dünyasını dəyişən Cəlilabad sakini doğulduğu Musalı kəndində dəfn olunacaq.
Faktla bağlı araşdırma aparılır.
Milli.Az