Goranboyda yol qəzası olub.
Milli.Az APA-ya istinadən bildirir ki, hadisə Bakı-Qazax magistral yolunda qeydə alınıb.
Hərəkətdə olan "Shacman" markalı yük maşını nasaz olduğu üçün dayanıb.
50 yaşlı Yevlax rayon sakini Kərimov Kənan nasaz avtomobilini yolda təmir edib.
Nəqliyyat vasitəsinin arxa hissəsində təmir aparan zaman qarşıdan gələn "Mercedes" markalı yük maşını "Shacman"a çırpılıb.
Ağır bədən xəsarətləri alan usta K.Kərimov xəstəxanaya aparılsa da həyatını xilas etmək mümkün olmayıb.
Faktla bağlı araşdırma aparılır.
Milli.Az