Azərbaycan Qara Dəniz Ticarət və İnkişaf Bankının (QDTİB) kapitalın artırılması üzrə səylərini dəstəkləməkdə davam edəcək.
Milli.Az Trend-ə istinadən bildirir ki, bunu maliyyə naziri Samir Şərifov QDTİB-in 24-cü illik iclası zamanı deyib.
"QDTİB 2021-ci ildə kapitalının əhəmiyyətli dərəcədə artıra bilib. Hazırkı geosiyasi vəziyyətdə Azərbaycan bankın kapital artırılması üzrə səylərində iştirak etməyə hazır olduğunu bildirib", - deyə nazir bildirib.
Onun sözlərinə görə, bu gün Qara dəniz regionu misli görünməmiş vəziyyətlə üzləşib.
"Ukraynadakı vəziyyət qlobal tədarük zəncirlərinin qırılmasına gətirib çıxarıb, ticarət, ərzaq və enerji təhlüksəzliyinə təhdid yaradır. Azərbaycanın adından banka istənilən dəstəyi göstərməyə tam hazır olduğumuzu bildirmək istəyirəm", - S.Şərifov deyib.
Milli.Az