Yoxsulluğu uzaqlaşdırar, ömrü uzadar, behişti zəmanət edər

30 İyun 2022 21:55

Sədəqənin bərəkətləri ilə tanış olaq:

1. İnsanı bəla və pis ölümdən uzaq edər. İmam Baqir (ə) buyurur: "Sədəqə 70 bəlanı insandan uzaqlaşdırar. Həmçinin pis ölümü də insandan uzaq edər. Çünki sədəqə sahibi dünyadan pis ölümlə getməz".

2. Ömrü uzadar. Həzrət Peyğəmbər (s) buyurur: "Sədəqə və sileyi-rəhm şəhərləri abad edər və ömürləri uzadar".

3. Xəstəyə şəfa verər. Əhli-Beytdən (ə) gələn hədisdə oxuyuruq: "Xəstələrinizi sədəqə vasitəsilə müalicə edin".

4. Yoxsulluğu uzaqlaşdırar. İmam Baqir (ə) buyurur: "Yaxşılıq və sədəqə yoxsulluğu uzaqlaşdırar".

5. Axirətdə insana əzəmətli mükafat qazandırar.

6. İlahi behiştə çatdırar.

7. Qiyamət gününün qorxusundan amanda olar.

8. Allahın ağrılı əzablarından nicat tapar.

9. Siratdan keçirdər. İmam Sadiq (ə) buyurur: "Siratdan keçmək istəyində idi və onu sədəqə verməkdə tapdım".

10. Behişti zəmanət edər. Əmirəl-möminin (ə) buyurur ki, 6 nəfərə behişti zəmanət edirəm ki, onlardan biri də sədəqə verən insandır.

Milli.Az