Hikmət Hacıyev Qarabağa səfər etmiş əcnəbi səyyahlarla görüşdü

19 İyun 2022 22:21

Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev əcnəbi səyyahlarla görüşüb.

Bu barədə Hikmət Hacıyev tviter hesabında yazıb.

"Ən çox səyahət edən insanlar" klubunun üzvləri ilə görüşdən, onları salamlamaqdan məmnunam. Səyyahlar Kəlbəcərdən Şuşaya qədər işğaldan azad olunmuş ərazilərə səfər edib, Ermənistanın vandalizminin miqyasının və işğalın dağıntılarının şahidi olublar. Eyni zamanda Azərbaycanın yenidənqurma və şəhərsalma sürətinə heyran olublar", - Hikmət Hacıyev tviter hesabında vurğulayıb.

Milli.Az