Arılar onları narahat edən şəxsi öldürdülər

24 May 2022 09:15

ABŞ-ın Texas ştatında təsadüfən arı yuvasına yaxınlaşan kişi həşəratlar tərəfindən sancılaraq öldürülüb.

Milli.Az oxu.az-a istinadən xəbər verir ki, 53 yaşlı Franko Qalvan Martinez landşaft işıqlandırması şirkətində işləyib.

Ostində bir evin həyətində sifarişi yerinə yetirərkən o, pilləkənlərlə ağaca dırmaşıb. Birdən ağacdakı yuvadan çıxan arılar onu sancmağa başlayıb. Kişi panikaya düşərək, təsadüfən nərdivanı ayağı ilə itələyib və təhlükəsizlik kəmərindən sallanaraq qalıb.

Arıların hücumu təxminən on dəqiqə davam edib. Martinezin iki həmkarı onu xilas etməyə çalışsalar da, arılar onlara da hücum edib.

Hadisə yerinə gələn yanğınsöndürənlər bədəni arılarla bürünmüş adamı şlanqla sulamağa başlayıblar. Buna baxmayaraq, amerikalının həyatını xilas etmək mümkün olmayıb.

Milli.Az