Gürcüstan Daxili İşlər Nazirliyi 9 "qanuni oğru"nu saxlayıb.
Milli.Az lent.az-a istinadən xəbər verir ki, David Kurasbediani (Çuto Xonski), Gia Qiorqadze, Roman Xmaladze (Roma Batumski), Laşa Barateli (Chia Sankt-Peterburq), Tenqo Khoperia (Çinka Lançxutski), Revaz Lortkipanidze (Rezo Tbilisi), Akaki Tuquşi (Enzo Batumi), Gia Gogeliani barəsində polis bir neçə ay ərzində gizli araşdırmalar aparıb.
Axtarışlar nəticəsində təqsirləndirilən şəxslərin bir-biri ilə və xaricdə olan "qanuni oğrular"la əlaqə saxladıqları kompüterlər və mobil telefonları götürülüb.
Qeyd edək ki, onlar təkcə Tbilisidə deyil, həmçinin İmereti, Semeqrelo və Acarıstan bölgələrində saxlanılıblar.
Təqsirləndirilən şəxsləri 3 ildən 15 ilə qədər həbs gözləyir.
Milli.Az