"Biz istəsəydik Ukrayna ilə təkcə günlərlə deyil, həm də saatlar ərzində məşğul ola bilməzdikmi? Amma biz xüsusi hərbi əməliyyat aparırıq, ona görə də bu, müharibə deyil, əməliyyatdır".
Milli.Az publika.az-a istinadən xəbər verir ki, bu sözləri RT (keçmiş "Russia Today") telekanalı və "Sputnik" xəbər agentliyinin baş redaktoru Marqarita Simonyan "Rossiya 1" telekanalının efirində deyib.
O bildirib ki, müharibə belə aparılmır, buna görə də bu, xüsusi əməliyyat adlanmalıdır.
Ukrayna mediası Simonyanın bu çıxışını "Marqarita Rusiya Federasiyasının Ukraynadakı uğursuzluqlarına bəhanələr tapıb" deyə şərh ediblər.
Milli.Az