Azərbaycan Prezidenti yanında Ali Attestasiya Komissiyasının Rəyasət Heyətinin üzvü, texnika elmlər doktoru, professor Arif Quliyev vəfat edib.
Milli.Az report-a istinadən bildirir ki, o, 88 yaşında dünyasını dəyişib.
Qeyd edək ki, A.Quliyev 3 fevral 1934-cü ildə Aşqabad şəhərində anadan olub.
1957-ci ildə Fərqanə Dövlət Pedaqoji İnstitutunun Fizika fakültəsini fərqlənmə diplomu ilə bitirib və Azərbaycana gəlib. Elmlər Akademiyasının Fizika İnstitutunda çalışıb.
1971-ci ildə - 37 yaşında texnika elmləri doktoru elmi dərəcəsi və 1972-ci ildə professor elmi adı alıb.
2003-cü ildən Prezident yanında Ali Attestasiya Komissiyasının Rəyasət Heyətinin üzvü, baş elmi katib, qurumun Aparat rəhbəri olub.
Milli.Az