“Norveç ödənişi artıqlaması ilə edib”

12 May 2022 19:48

"Mənim sözümü fırladıb başqa yerə yozmaq lazım deyil. Bir şeyə məyus oluram ki, Azərbaycan delegasiyası bunu düşünmədi, Turində olanda mənimlə maraqlanmadı".

Milli.Az olay-a istinadən xəbər verir ki, bu sözləri müğənni Samirə Əfəndi qalmaqala səbəb olan açıqlamasına aydınlıq gətirərkən bildirib. O, instaqramda növbəti video paylaşaraq Azərbaycan nümayəndə heyətindən incik olduğunu deyib:

"Onların əvəzinə Norveç dəvət etdi, bütün xərcləri öhdəsinə götürüb, ödəniş edib, yanlarında görmək istədilər.

Bunu Azərbaycan delegasiyasından gözləyirdim. Mənim dediyim sözü yozmayın. Mən "başqa ölkəni dəstəkləməyim düz deyil" deyəndə Azərbaycanı nəzərdə tutmamışam. Ümumilikdə danışmışam. Mənim iştirak etdiyim birinci yarımfinalda Azərbaycan iştirak etmirdi. Siz mənim Turində verdiyim müsahibəni izləsəniz, ölkəmə və təmsilçimizə necə dəstək olduğumu görərsiniz. İşin içində olan mənəm, bilirəm nə baş verir".

Milli.Az