Türkiyədə inanılmaz hadisə baş verib.
Milli.Az sfera.az-a istinadən xəbər verir ki, qadın körpəsini plastik torbaya qoyaraq qaçıb. Hadisə Şanlıurfanın Siverek rayonunda baş verib. Belə ki, gecə saatlarında məhəllənin qaranlıq küçəsinə gələn hamilə qadın təkbaşına uşaq dünyaya gətirib. Daha sonra körpəsini çantaya qoyan ana hadisə yerini tərk edib.
Qaranlıq küçədə körpənin ağladığını eşidən məhəllə sakinləri vəziyyətlə bağlı polisə və 112 Təcili Yardıma xəbər verib. Qısa müddətdə körpə Siverek Dövlət Xəstəxanasının yeni doğulmuş şöbəsinə aparılıb və burada nəzarətə götürülüb. Uşağın səhhətinin yaxşı olduğunu deyən polis, onu dünyaya gətirib küçəyə atan ananı tapmaq üçün araşdırmalara başlayıb.
Milli.Az