Ukrayna Müdafiə Nazirliyinin Baş Kəşfiyyat İdarəsi Telegram-da bildirib ki, Ukrayna hərbçiləri Xarkov yaxınlığındakı strateji əhəmiyyətli Russkaya Lozovaya yaşayış məntəqəsini azad edib.
Milli.Az xəbər verir ki, "Ukrayna Silahlı Qüvvələrinin Quru Qoşunlarının komandanı, general-polkovnik Aleksandr Sırskinin rəhbərliyi ilə hücum bölməsinin qüvvələri Xarkov vilayətinin Russkaya Lozovaya kəndini ruslardan azad edib. Hazırda o, tamamilə Ukrayna Silahlı Qüvvələrinin nəzarəti altındadır", - məlumatda deyilir.
Qeyd edilir ki, bu, Xarkov-Belqorod magistralının üzərində yerləşən strateji əhəmiyyətli yaşayış məntəqəsidir, "məhz bu şəhərətrafı ərazidən ruslar Xarkov şəhərinin mülki infrastrukturunu və yaşayış massivlərini atəşə tutublar".
Aslan Məmmədov
Milli.Az