“Feysbuk səhifəmi özüm idarə edirəm, şərhləri oxuyuram” - Nazir

26 Aprel 2022 21:33

"Hazırda əlavə hobbi ilə məşğul olmaq üçün boş vaxtım, demək olar, azdır. Boş vaxtlarımda idmanla məşğul oluram".

Milli.Az "qafqazinfo"-ya istinadən xəbər verir ki, bunu təhsil naziri Emin Əmrullayev "ASAN Radio"da yayımlanan "QəbuldASAN" verilişində deyib.

O qeyd edib ki, üzgüçülük, qaçış və digər idman növləri ilə məşğul olur:

"Feysbukdakı səhifəmi özüm idarə edirəm. Şərhləri də oxuyuram, uzaq məsafədə olanda həmkarlarımdan dəstək alıram. Azərbaycan muğamlarını çox sevirəm. Ağaxan Abdullayev ən çox sevdiyim xanəndədir".

Milli.Az