“Marvel” Rusiyada komikslərinin satışını dayandırır

22 Aprel 2022 14:06

"Marvel" Rusiyada komikslərinin satışını və lisenziyaları yeniləməyi dayandırır.

Milli.Az oxu.az-a istinadən xəbər verir ki, şirkətin qərarı barədə "Çuk i Gik" mağazasının sahibi İvan Çernyavski açıqlayıb.

Onun sözlərinə görə, "Marvel" nümayəndələri Rusiyadakı tərəfdaşlarına yaydan etibarən qeyri-müəyyən müddətə əməkdaşlığı dayandırdıqları barədə məktub göndəriblər.

"2022-ci ilin yayın ortasında Marvel rus dilində komikslərinin buraxılması üçün lisenziyaların satışını və yenilənməsini dayandıracaq. İndi alınan hər şey yaxın iki-üç ay ərzində buraxılmalıdır, bundan sonra, "Marvel"in tələbi ilə, yeni və əlavə nəşrlərin gətirilməsi mümkün olmayacaq", - deyə o bildirib.

Milli.Az