İranda İsrailə casusluqda ittiham olunanlar həbs edilib

21 Aprel 2022 08:12

İranın xüsusi xidmət orqanları İsrailə casusluqda ittiham olunan 3 nəfəri ifşa edib.

Bu barədə İranın Təhlükəsizlik Nazirliyi (Etellaat Nazirliyi) məlumat yayıb.

Məlumatda bildirilir ki, həbs olunan şəxslər toplanmış məlumatları İsrail kəşfiyyatı Mossada ötürməkdə ittiham olunurlar. Məhkəmə həmin şəxslər barədə həbs qərarı çıxarıb.

Həbs olunan şəxslərin kimliyi və hansı ölkənin vətəndaşı olması haqqında məlumat verilmir.

İRNA dövlət agentliyi həbs olunan şəxslərin İranın Sistan və Bəluçistan əyalətinin Zahidan şəhərində həbs olunduğunu bildirib.

Milli.Az