Hava Hücumundan Müdafiə Qüvvələri düşmənin Çerniqovu bombalayan "Su" qırıcısı vurub.
Milli.Az UNİAN-a istinadən bildirir ki, bu barədə "Şimal" əməliyyat komandanlığı məlumat yayıb.
"Martın 16-sı səhər saatlarından etibarən "Şimal" operativ komandanlıq hissələrinin məsuliyyət zonasında vəziyyət nəzarətdə saxlanılır. Gecə hava hücumundan müdafiə sistemi Çerniqovu raketlərlə bombalayan "Su" tipli təyyarəni vurub. "Quş" yerə düşüb", - hesabatda deyilir.
Həmçinin müdafiəçilər zirehli texnikanın köməyi ilə Novoselovka ərazisinə girməyə cəhd edən rus əsgərlərin hücumunu uğurla dəf ediblər. Rusiyanın itkiləri dəqiqləşdirilir.
Aslan Məmmədov
Milli.Az