Rusiya və Ukraynadan taxıl tədarükünün dayandırılmasına görə dünyanın bir sıra regionları ərzaq çatışmazlığı və aclıqla üzləşəcək.
Milli.Az axar.az-a istinadən xəbər verir ki, bunu İngiltərənin "Qardian" qəzeti yazıb.
Qeyd edilib ki, Ukrayna böhranı səbəbindən dünya 2008-ci il qlobal maliyyə böhranından sonrakı vəziyyətlə müqayisə oluna bilən ərzaq qiymətlərinin sürətlə artması ilə üzləşib. Rusiya və Ukraynadan tədarükün kəsilməsi mövcud vəziyyəti daha da təhlükəli edir.
BMT-nin Ümumdünya Ərzaq Proqramının baş iqtisadçısı Arif Hüseynin sözlərinə görə, Ukrayna böhranının nəticələri dünyaya təsir edəcək:
"Taxıl və neftin qiymətləri sürətlə 2008-ci ilin ərzaq və yanacaq böhranından bəri müşahidə olunmayan göstəriciləri üstələyir".
Milli.Az