Ukraynanın işğal olunmuş Melitopol şəhərində 10 nəfər rusiyalı hərbçisi şəhər meri İvan Fedorovu qaçırıblar.
Milli.Az "report"-a istinadən bildirir ki, bundan əvvəl o, Rusiya ilə əməkdaşlıq etməyi rədd edib, habelə şəhərin humanitar fəlakətin astanasında olduğunu bildirib.
Bu barədə Ukrayna daxili işlər nazirinin müşaviri Anton Geraşenko öz teleqram kanalında məlumat verib.
"Oğurlanma zamanı onun başına polietilen torba keçiriblər. Düşmənlər onu şəhər böhran mərkəzində saxlayıblar", - onun məlumatında deyilir.
Daxili işlər nazirinin müşaviri Anton Geraşenko teleqram kanalından bildirib ki, rusiyalı hərbçilər İ.Fedorovu böhran mərkəzində çalışdığı zaman aparıblar.
Milli.Az