Azərbaycan yığmasının hücumçusu Mahir Emreli "Dinamo"dakı debütü ilə bağlı paylaşım edib.
Milli.Az "qafqazinfo"-ya istinadən xəbər verir ki, 24 yaşlı hücumçu bu barədə İnstaqramdakı hesabında yazıb.
"Uzun müddətdən sonra meydançaya qayıtmaq əla hiss idi! Dəstəyiniz üçün təşəkkür edirəm. Biz sona qədər mübarizə aparacağıq", - Mahir Emreli bildirib.
Qeyd edək ki, M.Emreli Avropa Liqasının 1/16 finalında "Sevilya" ilə ilk matçda (1:3) debüt edib. O, 57-ci dəqiqədə meydana daxil olub.
Milli.Az