Futbol üzrə Azərbaycan millisinin hücumçusu Mahir Emreli Xorvatiyanın "Dinamo" (Zaqreb) komandasında debüt edib. Milli.Az matc.az-a istinadən bildirir ki, 25 yaşlı hücumçu İspaniyada "Sevilya"ya qarşı Avropa Liqasının pley-off mərhələsinin ilk oyununda meydana daxil olub.
Mahir 58-ci dəqiqədə Deni Yuriçi əvəzləyib. Lakin o, komandasının 1:3 hesablı məğlubiyyətlə üzləşdiyi oyunda fərqlənə bilməyib. Qarşılaşmadakı bütün qollar ilk yarıda vurulub.
Milli.Az