Şri-Lankada istirahətə gələn alman turist yerli bələdçi tərəfindən zorlanıb.
Milli.Az xəbər verir ki, baş verənlərin təfərrüatını Şri-Lankanın EconomyNext informasiya portalı dərc edib.
Hadisə fevralın 4-də baş verib. Səyahətçi bildirib ki, onunla eyni oteldə qalan bələdçi ona hücum edib. Polis məmurunun sözlərinə görə, alman qadın hadisədən sonra xəstəxanaya yerləşdirilib. "O, çox qorxmuşdu, hətta xəstəxanada da narahat idi" deyə hüquq-mühafizə orqanından bildirilib. Hadisəni törədən şəxsin naməlum istiqamətə qaçdığı qeyd edilir. İndiyə qədər məlum olan yeganə şey odur ki, kişi ölkənin dağlıq hissəsində yerləşən kiçik Ella şəhərində yaşayır.
Anar Əli
Milli.Az