"Son 3 ildə sosial paketlər üçün 5 milyard manat ayrılıb"

27 Yanvar 2022 14:12

Son 3 ildə sosial paketlər üçün 5 milyard manat ayrılıb.

Milli.Az Trend-ə istinadən xəbər verir ki, bunu əmək və əhalinin sosial müdafiəsi naziri Sahil Babayev korporativ sosial məsuliyyət tədbirlərində aktiv iştirak edən sosial tərəfdaşların mükafatlandırılması mərasimində çıxışı zamanı deyib.

Prezident İlham Əliyevin tapşırığı əsasında sosial müdafiə və aktiv məşğulluq proqramlarının ildən-ilə xeyli genişləndiyini vurğulayan S.Babayev sosial tərəfdaşların korporativ sosial məsuliyyət çərçivəsində bu proqramların icrasına göstərdiyi dəstəyi qeyd edib.

"Pensiya siyasətinin humanitarlığının ən əsas göstəricisi 700 mindən artıq pensiyaçısının əlavəsini dövlət öz hesabına ödənməsidir", - nazir əlavə edib.

Milli.Az