Oğuz rayonunda piyadanın xəsarət alması ilə nəticələnən yol-nəqliyyat hadisəsi baş verib.
Milli.Az "Report"a istinadən bildirir ki, hadisə bu gün axşam saatlarında İsmayıllı-Qaraməryəm-Şəki avtomobil yolunun, rayonun Kərimli kəndindən keçən hissəsində qeydə alınıb.
Belə ki, kənd ərazisində marşrut avtobusundan düşən Kərimli kənd sakini, 1967-ci il təvəllüdlü Aytəkin Əlibala qızı Əlibabayevanı hərəkətdə olan "VAZ-2107" markalı avtomobil vurub.
Müxtəlif dərəcəli bədən xəsarətləri alan 55 yaşlı A.Əlibabayeva Şəki Rayon Mərkəzi Xəstəxanasına yerləşdirilib.
Faktla bağlı araşdırma aparılır.
Milli.Az