Tacirin həyat yoldaşı intihara cəhd edib - Müğənninin Fədayə Laçınla duet oxuduğu üçün - VİDEO

24 Yanvar 2022 00:31

ARB TV-nin "Onun Sirri" verilişinin növbəti qonağı müğənni Tacir Şahmalıoğlu olub.

Milli.Az xəbər verir ki, sənətçi həyat yoldaşının onu qısqandığı üçün canına qəsd etmək istədiyini etiraf edib:

"Fədayə Laçınla duet ortaqlığımız yaranmışdı. İlk konsertimiz oldu. Dövlət televiziyasından gəlib duetlərimizi çəkdilər. Mən də efir vaxtını öyrəndim. Qardaşıma zəng edib dedim ki, ayın 10-nu bizim evdə yığışaq, çəkilişə baxaq. Heç ağlıma da gəlməzdi ki, yoldaşım Fədayə ilə duet oxuduğum üçün qısqanar. Oturmuşduq, çəkilişə baxırdıq. Bir də gördük yoldaşım yoxdur. Qardaşımın yoldaşı dedi ki, mətbəxdən qaz iyi gəlir. Yoldaşım mətbəxin qapısını içəridən bağlayıb qazı açmışdı, qapını qırdıq. Dəm qazından artıq zəhərlənirdi. Yoldaşımı oradan çıxardıq, tez müdaxilə etdik".

Milli.Az