Koronavirusun yeni ştamları yarana bilər

19 Yanvar 2022 07:35

Ümumdünya Səhiyyə Təşkilatının (ÜST) baş direktoru Tedros Adhanom Qebreyesus dünyada "omikron" ştammının hazırkı sürətlə yayılması şəraitində koronavirusun yeni variantlarının ortaya çıxmasını ehtimal edir.

Trend xarici KİV-lərə istinadən xəbər verir ki, o, bu barədə Cenevrədə keçirdiyi brifinqdə bildirib və dünya ictimaiyyətini vaksinlərin və infeksiyaya qarşı mübarizənin digər vasitələrinin bərabər paylanmasını təmin etməyə çağırıb.

"Pandemiya hələ bitməyib və "omikron"-un inanılmaz sürətlə yayılması ilə yeni variantların ortaya çıxması ehtimalı var. Buna görə də vəziyyəti izləmək və qiymətləndirmək son dərəcə vacibdir. Əgər dünyada koronavirusa qarşı vaksinlərin paylanmasının hazırkı modeli dəyişdirilməsə, bəşəriyyət peyvənd bərabərsizliyinin ikinci və daha da ağır mərhələsinə qədəm qoya bilər", - ÜST rəhbəri bildirib.

Milli.Az