Hindistanın Cammu və Kəşmir ştatında dini bayram zamanı yaranan izdihamda azı 12 nəfər ölüb, 13 nəfər yaralanıb.
Milli.Az APA-ya istinadən bildirir ki, hadisə gecə vaxtı Katra şəhəri yaxınlığındakı Vaişno Devi məqbərəsinin yaxınlığında baş verib.
Polisin məlumatına görə, izdihama səbəb zəvvarlar arasında yaranan mübahisə olub. Hindistanın baş naziri Narendra Modi bildirib ki, həlak olanların ailələrinə təzminat olaraq 200 min rupi (2,6 min dollar) veriləcək.
Milli.Az