"NATO yanvarın 12-də keçiriləcək NATO Şurası - Rusiya iclası çərçivəsində Rusiya ilə dialoqa hazırdır".
Milli.Az APA-ya istinadən xəbər verir ki, bu barədə Alyansın Baş katibi Yens Stoltenberq bildirib.
"Mən ABŞ-ın Dövlət katibi Entoni Blinkenlə Rusiyanın Ukrayna ətrafındakı hərbi gücünün deeskalasiyasını müzakirə etdim. NATO vahid cəbhədə çıxış edir. Biz yanvarın 12-də keçiriləcək NATO Şurası - Rusiya iclası çərçivəsində Rusiya ilə dialoqa hazırıq", deyə Baş katib "Twitter" hesabında yazıb.
Qeyd edək ki, Rusiya ilə ABŞ arasında təhlükəsizliklə bağlı danışıqlar yanvarın 10-da Cenevrədə başlayacaq. Ardınca, məsələ yanvarın 12-də NATO Şurası - Rusiya iclası çərçivəsində Brüsseldə, bir gün sonra isə Vyanada müzakirə ediləcək.
Milli.Az