Rumıniyanın "Dinamo" (Buxarest) klubu baş məşqçisi Mirça Redniklə yollarını ayırıb.
Milli.Az qol.az-a istinadən xəbər verir ki, bu barədə klubun rəsmi saytı məlumat yayıb. Komandanın nəticələri qənaətbəxş olmadığına görə rumıniyalı mütəxəssisin müqaviləsinə vaxtından əvvəl xitam verildiyi bildirilib.
Komanda son 12 oyunda yalnız 1 qələbə qazanıb. Paytaxt təmsilçisi hazırda çempionatda 12 xxalla 16 komanda arasında 15-ci pillədə qərarlaşıb.
Qeyd edək ki, 2010/11 mövsümündə "Xəzər Lənkəran"ı çalışdırmış Mirça Rednik bu klubla Azərbaycan kubokunun qalibi olub.
Milli.Az