İtaliyanın Milli Statistika İnstitutu (ISTAT) ölkədə doğum nisbətlərinin son 160 ilin ən aşağı səviyyəsinə düşdüyünü və bu azalmanın ilbəil davam etdiyini açıqlayıb.
Milli.Az AZƏRTAC-a istinadən bildirir ki, ISTAT ölkədə doğum nisbətlərindəki azalmanın ardıcıl 12-ci ildir davam etdiyini bildirib. Belə ki, ötən il İtaliyada 404 min 892 uşaq doğulub, bu da əvvəlki illə müqayisədə 15 min 192 nəfər azdır. Cari ilin yanvar-sentyabr aylarında isə keçən ilin eyni dövrünə nisbətən doğulan körpələrin sayı 12,5 min azalıb.
Əhalisinin sayının 59,3 milyon nəfərə düşdüyü İtaliyada 2020-ci ildə 746 min 146 nəfər dünyasını dəyişib.
Milli.Az