Paleontoloqlar İtaliyanın Triest şəhərinin yaxınlığında yerləşən qədim əhəngdaşı karxanası olan Villaciyo-del-Peskatoredə ilk dəfə dinozavr sürüsü qalıqlarını aşkar ediblər.
Milli.Az Teleqraf.com-a istinadən xəbər verir ki, tədqiqata Boloniya Universitetinin elm adamları rəhbərlik edir.
Kəşflə bağlı Boloniya Universitetindən verilən açıqlamada aşkar olunan dinozavr skeletlərinin 80 milyon il əvvəl yaşamış tetisadros insularis növünə aid olduğu bildirilib. Yeni tapıntılar arasında İtaliyada indiyə qədər tapılmış ən böyük dinozavrı təmsil edən Bruno adlı yeni dinozavr da daxil olmaqla ən azı 7 nümunə var.
Eyni yerdə qədim balıq, timsah, dəniz sürünənləri və hətta kiçik xərçəngkimilərin qalıqlarının olduğu da deyilib.
Milli.Az