Mobil telefon

WhatsApp Hindistanda qətllərin qarşısını alacaq

14 İyul 2018 07:11
0 Şərh     Baxış: 841

"WhatsApp" messenceri Hindistan sakinləri üçün yalan xəbərlərlə mübarizə üzrə təlimat təqdim edib.

Milli.Az ICTnews-a istinadən bildirir ki, təlimatda xəbərin mənbəyinə baxaraq digər resursların informasiyası ilə müqayisə etmək, fotoya diqqət yetirmək və xəbərdə yazılanla tutuşdurmaq, xəbərləri ehtiyatla yaymaq kimi əsas tövsiyələr yer alıb.

Məlumata görə, messencer təlimatı şayiələrin yayılması ilə əlaqədar baş verən qətllərin qarşısını almaq məqsədilə təqdim edib. Belə ki, Hindistanda messencerdə yayılan yalan xəbərlərə görə insanlara hücumların sayı artıb. İnsidentlərdən biri kimi kütlənin bir qrup insanı uşaqların oğurlanması ilə bağlı şayiələrə görə ölümcül döyməsi qeyd olunur. Baş vermiş hadisədə zərərçəkənlərin təqsiri sübuta yetirilməyib, hücum edənlər "Whatsapp"da fərziyyələrə inanıblar.

Bildirilir ki, ölkə hökuməti messencerdə təsdiq olunmamış xəbərlərin yayılmasının qarşısının alınmasını tələb edib. Uşaqların oğurlanması ilə bağlı oxşar şayiələrə görə ötən ay Hindistanda azı 8 nəfər qətlə yetirilib.

Belə reaksiyanın başlıca səbəbi kimi ölkədə rəqəmli texnologiyaların yeniliyi göstərilir. İnsanlar messencer və sosial şəbəkələrdə şayiələrə qarşı çox həssaslıq nümayiş etdirirlər. Əhalisinin sayı 1,3 milyard nəfər təşkil edən Hindistanda "WhatsApp"da 200 milyon qeydiyyatdan keçib.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.