Mobil telefon

“AppStore”da pullu tətbiqlər pulsuz olacaq

12 İyun 2018 08:41
0 Şərh     Baxış: 459

Tezliklə "Apple" öz istifadəçilərinə "AppStore"un ödənişli tətbiqlərini pulsuz yükləmək imkanı verəcək.

Milli.Az lent.az-a istinadən xəbər verir ki, onlar ancaq tanışlıq üçün təqdim ediləcək.

Belə ki, "AppStore" mağazasının istifadə qaydalarında yeni düzəlişlər edilib. Bu düzəlişlərdə deyilir ki, ödənişli tətbiqlər üçün sınaq müddəti qeyd etmək mümkündür. Bu müddət ərzində istifadəçilər proqramla tanış ola biləcək və bu proqramın onlara lazım olub-olmadığına qərar verə biləcəklər.

Qeyd etmək lazımdır ki, proqramlar üçün trial versiyanı tərtibatçılar özləri xahiş ediblər. Həmçinin istifadəçilərin şikayətləri də nəzərə alınıb. Onlar bildiriblər ki, "Mac AppStore"da qiymətlər olduqca bahadır və pul ödəməmişdən öncə ilk olaraq bu proqramlarla tam tanış olmaq heç nəyə mane olmazdı.

Artıq istifadəçilər rəqəmsal mağazadan ödənişli tətbiqi yüklədiyi zamanı dərhal onun pulsuz istifadə müddəti barədə məlumat əldə edəcəklər.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.