Mobil telefon

Qualcomm şirkəti 5G-də əməkdaşlıq edəcək

13 Fevral 2018 08:31
0 Şərh     Baxış: 196

Dünyanın ən böyük mobil modem sxem istehsalçılarından biri olan "Qualcomm" şirkəti bu sahədə daha bir uğura imza atıb. Belə ki, şirkət iri smartfon istehsalçıları ilə əməkdaşlığa başlayır. Əməkdaşlıq çərçivəsində onlar "Qualcomm" şirkətinin "5G" modemləri ilə təchiz edilən qurğular buraxmağa hazırlaşırlar.  

Milli.Az ICTnews-a istinadən bildirir ki, şirkətin məlumatına görə, söhbət "Snapdragon X50 5G NR" çip ailəsindən gedir. "5G NR" (NR - New Radio, "yeni radiorabitə") hazırda "3GPP" konsorsiumu tərəfindən standartlaşdırılan beşinci nəsil mobil rabitə şəbəkələrinin (5G) "bütöv" spesifikasiyasıdır.

"Qualcomm" şirkətinin məlumatında 18 iri smartfon və digər telekommunikasiya avadanlığı istehsalçısı sadalanır. Onlar arasında "HMD" (Nokia smartfonlarının buraxılışı ilə məşğuldur), "Sony", "Xiaomi", "Oppo", "Vivo", "HTC", "LG", "Asus", "ZTE", "Sharp", "Fujitsu" və s. şirkətlər yer alıb. Eyni zamanda siyahıda dünya smartfonlar bazarının 3 liderinə - "Samsung", "Apple" və "Huawei" şirkətinə rast gəlinmir.

"Huawei" qurğularında "Qualcomm" çiplərindən istifadə olunmasa da, "Apple" və "Samsung" smartfonlarında tətbiq edilir. Lakin şayiələrə görə, "Apple" onlardan imtina edərək analoji "Intel" modem çiplərinə keçmək niyyətindədir. "Samsung" istehsalçısı da "Qualcomm" məhsullarını öz texnologiyaları ilə əvəzləyə bilər.

"Qualcomm", həmçinin bəyan edib ki, "X50 5G NR" modemlərindən beşinci nəsil mobil rabitə şəbəkələrinin sınaqları zamanı əksər iri rabitə operatorları, o cümlədən "AT&T", "British Telecom", "China Mobile", "Deutsche Telekom", "Orange", "SK Telecom", "Sprint", "Telstra", "Verizon" və "Vodafone" istifadə edəcək. 

Milli.Az

Digər maraqlı xəbərlər Milli.Az-ın Facebook səhifəsində

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.