"Neutrogena" kosmetika brendi dərinin skan edilməsi üçün "SkinScanner" qurğusunu və "Skin360" mobil əlavəsini təqdim edib. Texnologiya istifadəçinin dəri problemlərini aşkarlayacaq, eləcə də profilaktika üsullarını təklif edəcək.
Milli.Az ICTnews-a istinadən bildirir ki, skaner "iPhone" smartfonunun yuxarı hissəsinə bərkidilərək dəriyə yaxınlaşdırılır, əlavə isə onun vəziyyətini müəyyənləşdirir. Skaner və smartfon arasında bağlantı "Bluetooth" vasitəsilə həyata keçirilir.
"SkinScanner" qurğusunun və "Skin360" əlavəsinin rəsmi təqdimatı yanvarın 9-12-də keçiriləcək "CES-2018" Beynəlxalq istehlak elektronikası sərgisi çərçivəsində planlaşdırılır. Qurğu və əlavə yalnız "iPhone" smartfon modelini dəstəkləyəcək.
Milli.Az
Digər maraqlı xəbərlər Milli.Az-ın Facebook səhifəsində
Milli.Az-ın ən mühüm və maraqlı xəbərlərini "Telegram"da izləyin