Cənubi Koreyanın "Samsung" şirkəti istifadəçilərə qurğuları enerji ilə doldurmağa imkan verəcək "ağıllı" sviter modeli üçün patent hüququ alıb.
Milli.Az ICTnews-a istinadən bildirir ki, şirkətin planlarına görə, cemper enerjini əl hərəkətlərindən hasil edəcək. Qollarda və geyimin ön hissəsində xüsusi ötürücülərin quraşdırılması nəzərdə tutulur.
Akkumulyator kürəyin arxa hissəsində yerləşəcək. Hazırda onun həcmi barədə məlumat verilməsə də, patent müraciətinə görə, mütəxəssislər tərəfindən zəif gücə malik batareyadan istifadə planlaşdırılır.
Yeni texnologiyanın yanvarda Las-Veqasda keçiriləcək "CES-2018" sərgisində nümayişi gözlənilir.
Milli.Az
Digər maraqlı xəbərlər Milli.Az-ın Facebook səhifəsində
Milli.Az-ın ən mühüm və maraqlı xəbərlərini "Telegram"da izləyin