Mobil telefon

Vivo V7 smartfonu istifadəçini sifətinə görə tanıyacaq

21 Noyabr 2017 07:51

0 Şərh Baxış: 555

#MOBİL TELEFON

"Vivo" şirkəti Çinin Şençjen şəhərində yeni "V7" smartfonunu təqdim edib.

Milli.Az ICTnews-a istinadən bildirir ki, qurğu nazik çərçivəli və tərəfləri 18:9 nisbətinə bərabər ekranla və istifadəçinin sifətinin skan edilməsi funksiyası ilə seçilir. Smartfonda qoşa kamera quraşdırılmasa da, istehsalçı əsas diqqəti məhz fotoçəkmə imkanlarına yönəldib. Belə ki, "Vivo V7" smartfonu dağınıq arxa fonlu çəkilişlər edən 16 meqapikselli əsas və 24 meqapikselli ön kamera ilə təchiz edilib.

Bildirilir ki, 5,7 düym diaqonallı ekrana malik qurğunun korpusu metaldan ibarətdir. İstehsalçı nümayəndələrinin sözlərinə görə, smartfon qabaritinə görə 5,2 düym diaqonallı qurğularla uyğunluq təşkil edir. Nazik çərçivələr sayəsində ekran ön tərəfdə 83,6 faiz yer tutur. Barmaq izi skaneri arxa paneldə yerləşib.

Məlumata görə, "Funtouch 3.2 OS" interfeysinin idarəetməsi ilə işləyən yeni qurğuda səkkiznüvəli "Qualcomm Snapdragon" prosessoru, 4 giqabaytlıq operativ yaddaş, 32 giqabaytlıq quraşdırılmış yaddaş və 3 min milliamper/saat tutumlu akkumulyator quraşdırılıb. Funksiyalardan biri istifadəçinin xarici görünüşünü 100 nöqtəyə görə analiz edən sifətin skan edilməsi texnologiyası vasitəsilə blokdan çıxarmadır.

Qara və qızılı rənglərdə satışa çıxarılacaq "Vivo V7" smartfonunun qiyməti 300 dollar təşkil edəcək.

Milli.Az

Digər maraqlı xəbərlər Milli.Az-ın Facebook səhifəsində

Milli.Az-ın ən mühüm və maraqlı xəbərlərini "Telegram"da izləyin