"Samsung" şirkəti bərpa etdiyi "Galaxy Note 7" smartfonunu bu gündən satışa çıxarıb.
Milli.Az lent.az-a istinadən xəbər verir ki, cihazın qiyməti orijinalla müqayisədə 30 faiz ucuz - 611 dollardır. "Samsung" ümumilikdə 400 min ədəd bərpa olunmuş "Note 7" satmağı planlaşdırır.
Texniki xüsusiyyətlərinə gəldikdə, "Note FE"nin "Note 7"dən əsas fərqi batareyanın həcmindədir. Belə ki, batareyanın həcmi 3500 mAs-dan 3200-ə qədər azaldılıb. Bundan başqa, köhnə-yeni smartfona "Bixby" səs köməkçisi funksiyası əlavə olunub. Opetariv yaddaşı 4 Gb-dır.
Xatırladaq ki, öz-özünə alışıb yanması və partlaması ilə əlaqədar "Samsung Galaxy Note 7" smartfonları bazardan yığışdırılmış və istehsalı dayandırılmışdı.
Milli.Az